هێرۆ
هێرۆ که‌سو کاره‌که‌م
هێرۆ باخچه‌ی پڕ گوڵی
ناو حه‌وشه‌و حه‌ساره‌که‌م
هێرۆ سۆمای چاوی لێڵ
چاوی له چاوه‌ڕوانی
سوور داگه‌ڕاو،
خێچ و خێل
بڵێی که‌نگێ ده‌رکه‌وی
کارمامزه‌ی گه‌ردن کێل
******
هێرۆ په‌پووه پاییزه
که‌سم ده گوێم لێبگره
خۆ ده‌مێکه له مێژه
لێره وه‌رزی پاییزه
ده باڵ بگره و ده‌رکه‌وه
سوکێ بفڕه و سه‌رکه‌وه
باپیره دووده‌ستی خۆی
کردۆته په‌ناو په‌سیو
هه‌ر وچانێ به‌سیه‌تی
پاشان دووباره بێخه‌م
وێرای شنه‌ی به‌ربه‌یان
وه‌ک په‌رییه خه‌یاڵیه‌کان
له هه‌وران وه‌سه‌ر که‌وه.....
وه‌ک شێعر سه‌یری مه‌که‌ن ته‌نها هه‌ستی خۆمه له چه‌ند وشه‌ی کوردیدا
وێنه‌که هێرۆی نه‌وه‌مه
No comments:
Post a Comment