بۆ خەوتوو لایە لایە ناکوترێ 27 Feb 2012 کورتە وڵامێک بۆ هاوڕێی بەرێز سادق عەسکەری برایم جەهانگیری لەوەتا وەبیرم دێ هەرگیز لە دنیای سیاسەت دا یەک لایەنە نەمڕوانیوەتە مەسەلەکان، لە هەر کوێیەک شتێکم دیتبێ و تا ئەو جێگایەی تێگەیشتنم بڕی کردبێ بە کاری چاکم کوتووە چاک و بە هی خەراپیشم کوتووە خەراپ. لەو کاتەوە کە حێزب تووشی کێشە هاتووە و من هەستم بەو گرفتە گەورەیە کردووە هەمیشە هەر هەوڵم داوە کێشەکان کۆتاییان بێ و هەردوک لا بە تایبەتی ئەو لایەنەی زیاتر هەوڵی کەلین خستنە ناو ریزەکانی حیزبی هەیە واز لەو دووبەرەکی نانەوە بێنێ و رچەیەکی تازە و شێوازێکی نوێی حیزبایەتی هەڵبژێرێ. کاتی خۆشی و بەر لە کۆنگرەی 13، لە قەڵای دێمۆکرات لە کۆبوونەوەی گشتی زیاتر لە 500 کەس لە پێشمەرگە و ئەندامان و کادری رێبەری حیزب دا ئەو رستەیەم کوتووە کە ئێستاش لە ئارشیوی حیزبدا هەر ماوە" من تازە لە ناوخۆ را هاتوومە ناو حیزب و تێکۆشانی ئاشکرام هەڵبژاردووە، خەڵکی لە ناوخۆ ئومێدی گەورەی بەو حیزبەیە و بەو ئومێدەوە سینگی بە گوولـلەوە دەنێ و لە گیانی دەگوزەری بۆ خەبات و بۆ حیزبایەتی، کەچی ئێوەش لێرە خەریکی شەڕی خۆ خۆرین و ......" . کاتێ حیزبم بەجێ هێشت, ماڵئاواییم لە مامۆستا نەخواست بەڵام بۆ ماڵئاوایی چوومە لای هاورێی بەڕێز کاک مستەفا و لە هەمان کات داوام لێکرد تکایە واز لەو دووبەرەکییە بێنن با ئەو حزبە دوچاری گرفتی گەورە نەیە،. کاک مستەفا لە پشت میزەکەی هاتە خوار و لە تەنیشت من دانیشت و کوتی "جا کاک برایم خۆ من دەستەبەندی ناکەم"، منیش هەر ئەوەندەم لێ پرسی ئەدێ کاک مستەفا کێ دەیکات؟" بەڵێ ئەوە پرسیارێکی بێ وڵام بوو ئەگەرچی وڵامەکەی هەم بۆ بەڕێز کاک مستەفا و هەمیش بۆ هەموو لایەک ئاسان بوو. وەنەبێ هەر کاک مستەفا و لایەنەکەی ئەو دەستەبەندیان کردبێ، هیچ گومان نییە کە ئەو دەستەبەندییە لە هەردوک لا هەبووە بەلام رەنگە لایەنێک زیاتری گوڕ و تین پێدابێ و لایەنێک کەمتر. کاک سادقی هاورێم! کاکی برام, هەر لە کۆنەوە جیاوازی روانین لە مەر هەموو دیاردەکان لە نێو مرۆڤەکان دا هەبووە و هەیە، لە حیزبی دیمۆکراتیش بوونی ئەو جیاوازییە هەبووە و هەیە و ئاساییە و کەس نکۆڵی لێناکات. بەڵام بەداخەوە لە حیزبی دێمۆکرات دا لە جیاتی جیاوازی بیر و بۆچوونەکان (با ئەم جیاوازیانە بچووک بن یان مەزن) بۆ پێشکەوتنی حیزب و چووڵانەوەی گەلی کورد بە کار هاتبێ، ئەو جیاوازی بیر و بۆچونانە زیاتر ببو بە جەمسەری کێشەیەکی دواکەوتوانەی خێڵەکی بۆ لە مەیدان بەدەرکردنی یەکتری. با بیرەوەریک بگێڕمەوە: زۆر کەس کاک عیرفان رەهنموون لانیکەم لە رێی نووسراوەکانییەوە دەناسێ، من یەکەم جار کە کاک عیرفان -م ناسی لە گۆڤاری چیای زانکۆی ئیسفەهان دا (ئەوەندەی من لە بیرم مابێ) کە بابەتێکی خۆشمی تێدا بڵاو کرابۆوە، بابەتێکی رەخنەگرانەی سەبارەت بە پ ک ک نووسیبوو، من هەر لە رێگای بابەتەکەیەوە هەستم کرد ئەو برادەرە زۆر لە من نزیکە و رەنگە حیزبی بێ. ماوەیەک بەسەر چوو کە هاتمە ناو حیزب و کاک عیرفان- م لەوێ بینی یەکجار خۆشحاڵ بووم و یەکسەر دە ئامێزم گرت و لەو کاتەدا هەستم کرد یەکێک لە خۆشەویسترین هاوڕێیانی خۆمم دیوەتەوە. کەچی بەداخەوە پاش ماوەیەکی کورت و بە پیلانێکی یەکجار قێزەونی دوور لە ئەخلاق کە هیچ شکی تێدا نییە رۆژی بە شێنەییی باسی ئەو پیلانە نامەردانەیە دەکەم من و ئەو هاوڕێیە و زۆر کەسی دیکەیان لێک کردە دوژمن!. ئەوە هەر وەک وەبیر هێنانەوە و ئاوڕدانەوەیەک لە رۆژانی سەختی بەر لە لەتبوون بۆ هاورێی خۆشەویست کاک سادق کە دڵنیام ئەویش رەنگە ئاگای لە بەزم و رەزمی وا بووبێ. جا لەو کاتەوە و زۆر لەو کاتە لە پێشتریش کەسانی توندرۆ و خۆپەرەست لە ناو حیزبدا هەبوون کە ئامادە بوون بۆ بەرژەوەندی خۆیان هەمو سنورێکی ئەخلاقی ببەزێنن و حیزب تووشی هەرە چەشنە کارەساتێک بکەن. ئەو داستانە و ئاوڕدانەوە لە یەک خالی بچوکی کێشەکان تەنیا بۆ وەبیر هێنانەوەی هاوڕێ کاک سادقی خۆشەویستە، ئەو باسە لایە لایە نییە بۆ دەخەو کردن، ئەوە بانگی وەخەبەرهێنانە. ئەو حیزبە ئەوە شێوازی پەروەردە کردنی بوو، هاوڕێی بەڕێزم ،دەتهەوی منیش دروشم بدەم و ئەوەی هەیە پەردەپۆشی کەم و هەر بە بەژن و باڵای حیزب هەڵبڵێم؟ کە دەڵێم حیزب هەردووک بەش دەڵێم کە ئەوکات بە رواڵەت هەر یەک حیزب بوون. بەڵام ئێستا تۆزقاڵێ جیاوازیمان هەیە، با ئەو راستییە قەبووڵ بکەین، بۆ نموونە من جیاوازی لە نێوان خۆم و خۆت دا دەبینم و زۆریش ئاشکرایە، لەو نووسراوەیەت دا و هەر لە سەردێڕی بابەتەکەتڕا تا کۆتایی ، ئەگەر نەڵێم بێڕێزی لانی کەم رق و تووڕەیی و تەوس و پلار بە نوسراوەکەتەوە دیارە. بەڕێزتان من وەک "کاک برایم گیان!؟" بە هیمایەکی پرسیار و یەکی سەڕسوڕمانەوە بانگ دەکەی و من دەلێم هاوڕێ سادق، کە پێت دەڵێم هاوڕێ سادق باوەڕ بکە لە دڵمەوە دەڵێم، بەرێزت دەڵیی جەماعەتی جیابۆوە من دەلێم هاوڕێیانی حدکا، (کە دەڵێم هاوڕییانی حدکا دووبارە باوەڕم بە قسەکەی خۆم هەیە و زۆربەی هەرە زۆری ئەندام و کادری حیزبی دێمۆکراتی کوردستانی ئێران وەک هاوڕێیانی حدک سەیر دەکەم و هیچ جیاوازییەکیان دەگەڵ ئەندامانی حدک بۆ دا نانێم و هەرگیزیش ئامادە نیم واز لە برایەتی و هاوڕێیەتی وان بێنم). جەنابت و کەسانی وەک بەڕێزتان کە باسی مامۆستا حسەنزادە دەکەن، بە مەبەستی سووکایەتی و تەحقیر کردن دەڵێن مەلا عەوڵای حەیاکی و من بە کاک مستەفا دەڵێم هاورێی بەڕێز کاک مستەفا هیجری، بەڵێ من و زۆریەک لە هاوڕێیانی ئێمە حدکا و ئەندامانی حدکا بە هاوڕێی و هاوسەنگەری خۆمان دەزانین و دڵنیاشم لە نێو حدکاش دا ئەو کەسانە کەم نین کە وا دەڕواننە ئێمە و رادەشیان هەر لە زیاد بوون دایە. ئایا هەر لێرەوە من و تۆ جیاوازیمان نییە؟ کاک سادقی بەڕێز، ئەوە بە مانای ئەوە نییە کە بەو جیاوازیانە من لە تۆ چاکتر و باشتر بم، نەخێر مەبەست ئەوە نییە، رەنگە تۆ باشتر بی. بەڵام مانای ئەوەیە کە جیاوازی هەیە، جیاوازی هەیە لە نێو ڕێبەری حدک و حدکا دا ، لە حدک رەخنە لە سەرکردایەتی و سکرتێر و حیزب لە دەرەوەی تەشکیلاتیش ئازادە و خۆت شاهیدی کەس لە سەر رەخنە گرتن لە کەسایەتییەکانی حیزبی لە لای ئێمە تەنانەت سەرکۆنەش نەکراوە، پلەی ئەندامەتی لێنەستێندراوەتەوە، ئەوە کەم نیە بۆ دیمۆکراسی ناوخۆی حیزبی، لانی کەم بۆ من گرینگە، بۆ نموونە کاتێ لە سەر وتووێژەکەی کاک خالێد عەزیزی دەگەڵ رووداو و لە باسی مادەی 15 و 19 یاسای بنەرەتی رێژیمی ئیسلامی ئێران دا وڵامێک دەداتەوە من و زۆر هاوڕیی دیکە بەدڵمان نەبووە و یەک لەوان من لەسەرم نووسیوە و زۆر بە توندی رەخنەم لەو شێوە وڵامدانەوەیە گرتووە، کاک خالید عەزیزی لە کوردستانەوە زەنگ لێدەدا و لە جیاتی گلەیی یا هەڕەشەو تۆقاندن، دەست خۆشیم لێدەکا و دەڵێ: "خۆشحالم کە ئەندامی حیزب ئەوەندە لە سەر مەسەلەکان حەساسن و وا بە ڕاشکاوی رەخنە دەگرن". سەرکردایەتی حدک ئیزن بە هیچکەسی دیار و نادیار نادا لە ژێر ناوێ دیفاع لە حدک بێڕێزی بە کاک مستەفا و هاوڕێیانی حیزبی دیمۆکراتی کوردستانی ئێران بکات و لە حاڵەتی وا دا بەرخوردی تەشکیلاتی بەو کەسە دەکات بەڵام رێبەرێ حدکا......؟ بەڵێ کاک سادقی هاوڕێم، برای زێدە ئازیز تۆزێ فەرقمان هەیە. هاوڕێ سادقی خۆشەویست، سەرەڕای هەموو ئەوانە من و ئێوەی بەڕێز ئەگەر لە چەند شتی وا دا جیاواز بین لە سەر 90 لە سەدی کار و بەرنامە و سیاسەتەکانمان یەکین و یەک ڕوانگەمان هەیە، کە وایە دەتوانین لەسەر ئەو 90 لەسەدە لێک نزیک بینەوە و بە پلانێکی تۆکمە جارێکی دیکە بناخەی برایەتی و پێکەوە تێکۆشان دابڕێژینەوە. دەکرێ ئەو دوو دێمۆکراتە نەک بەچەپڵە و گووپ ماچکردن بەڵکوو لە سەر ئەساس و مکانیزمێکی ورد و دەقیق یەک بگرنەوە کە ئەوە خواستی زۆربەی کۆمەڵانی خەڵکی کوردستانە ، دەشکرێ جارێ ئەو کینەو بوغزاندنە بە تایبەتی لە لایەن بەشێکی دیاری ئەندامان و هاوڕیانی رێبەری حدکا بەرامبەر بە حدک رابگیڕێ و دەرگای دیالۆگ و گفتگۆ بە نیازی رەواندنەوەی ئەو گرژی و ئاڵۆزیانە کە هەن و لەوپەڕی بێدەنگیش دا بە یەک قسە و بەیەک نووسراوە دیسان بارەکە لە گرێژەنە دەچێ لە نێوانیان دا بکرێتەوە. من دەزانم ئەوەی ئێوەی خۆشەویستی قەڵس و تووڕە کردووە ئەو رستەیەیە کە باسم کرد. لە نووسراوە کورتەکەی پێشووم دا تەنیا ئەو داوایەم کردووە و هیچ هێرشێکم بۆ سەر حدکا و ئەندامانی حدکا نەکردووە. ئایا مانای هەیە بە ناو و بێناو ئەو بێڕێزی کردنە بە ئەندامانی سەرکردایەتی و کەسانی هەرە فیداکار و زەحمەتکێشی حیزبی هەر درێژەی هەبێ و رێبەرایەتی حدکا لێی بێدەنگ بێ؟ ئەوجار باسی بەشداری لە کۆبوونەوەی فێنلاند دەکەی، کاک سادقی بەڕێز ئیوە کە لە کۆبوونەوە پڕ لە سەروەرییەکەی ئەندامانی حدکا و حدک لە فینلاند دا بەشدار بوون و دڵتان بۆ یەکڕیزی لێدەدا بۆ بەو ئەدەبیاتە قسە دەکەن؟ بۆ جارێکیش گلەیی لەو بەشە کەمە لە هاورێیانی خۆتان ناکەن و پێیان ناڵیین: بەسە بێڕێزی کردن بە مامۆستا و کاک حەسەن و کاک جەلیل و ..... . ئەوە قسەی من بووە و ئیدی چ پیوەندی بە یەک بوون و لێک نزیکبوونەوە هەیە من بەراستی نەمزانی و لێی تێنەگەیشتم. ئەگەر دەتهەوێ وا نیشان بدەی کە ئێمەمانان دژی یەکبوون و برایەتین دەتوانی هەر لە ئارشیوی رۆژهەڵات دا بە بابەتەکانی مندا بچییە خوار، بزانە یەک رستەش دەبینی کە بۆنی وەی لێ بێ من هەوڵی دووبەرەکیم دابێ، یان دژی یەکگرتنەوە بم؟ ئەگەر مەبەست رەخنە و گازەندەیە لە حدکا، دڵنیا بە رەخنەکەی من پتر خزمەت بە حدکا دەکات تا نوسراوەکەی بەرێزتان. خۆ ئەگەر بەو رستەیەش زیاتر توڕە بووی کە من باسی باڵی توندڕەوی ناو حدکا م کردووە, کاک سادقی بەڕێز خۆ بەتەما نی حاشا لە بوونی باڵێکی وا بکەی؟ ئەوە شتێک نییە کە کەس تەنانەت خودی توندرەوانی ناو حدکاش بتوانن حاشای لێبکەن. دیارە پێت وا نەبێ توندڕەو هەر لە ناو ئێوە هەن، ئێمەش بەشی خۆمانمان هەیە. ئەگەر راستیشت دەوێ بٶچوونی من ئەوەیە کە ئەگەر رۆژێک یەکگرتنەوەیەک هەبێ ئەو توندرەوانەی هەردووک لا لەحیزبی دێمۆکراتی کوردستانی یەکگرتوو دا جێگایان پێ لەق دەبێ. یەکگرتنەوە: یەکگرتنەوە خواستی زۆربەی هەرە زۆری کۆمەڵانی خەڵکی کوردستانە، ئەوانەی هەوڵی ئاشتەوایی و برایەتی و لە نهایەت دا یەکگرتنەوە دەدەن بە دڵنیاییەوە لە لای خەڵک خۆشەویستتر و بە بایەخترن. رەوتی ئاشت بوونەوە و ژیانەوەی هەستی خۆشەویستی و برایەتی لە نێوان دێمۆکراتەکاندا رەوتێکی بە تەوژمەو بە خێرایی بەرەو پێشدەچێ. ئەوانەی لە بەرامبەر ئەو تەوژمە خۆ بکەن بە لەمپەر زەرەری هەرە گەورەیان تووش دەبێ، ئەوە تەوژمی خۆلیا و ئارەزووەکانی خەڵکە کە لە ناو بەدەنەی هەردووک لادا خەریکە خۆ دەردەخات. من وەک خۆم لەم نووسراوەیەشدا سەرباری ئەو رەخنەو گازندانە بەڵێن دەدەم هەرگیز یەک چرکەش لە هەوڵدان بۆ ئاشتی و برایەتی نەک هەر لە نێوان دێمۆکرات دا بەڵکوو لە نێوان هەموو لایەنە سیاسییەکانی کوردستاندا سڵ نەکەمەوە.

ناردن بۆ تۆڕه‌ کۆمه‌ڵایه‌تی‌یه‌کان Facebook| My Yahoo| Twitter| google| Balatarin

خه‌زایی|3 Mar 2012 - 06:21

بۆ مامه‌ی به‌رێز کاکی خۆم کاتێکژوماره‌یه‌کی که‌م له‌ خه‌ڵکی ئێمه‌ بێ وره‌یه‌و به‌ ته‌رفه‌نده‌کانی ده‌سته‌ڵاتی ئیسلامی وه‌مه‌له‌ ده‌که‌وێ وستونی 5 کانی نێو خۆش وه‌ک به‌سیج وکۆنه‌ جاشه‌کان ده‌یقوزنه‌ وه‌ و بۆ ده‌کوتن ! راست ئه‌وه‌یه‌ که‌ موچه‌خۆرانی ده‌سته‌ڵات هه‌ر له‌ کومیته‌ی ئیمداده‌وه‌ بگره‌ هه‌تا ماموه‌ستایانی قوتابخانه‌کان و کرێ کارانی شاره‌داریش بۆ وه‌یکه‌ قوتیان نه‌برن له‌ روی خۆیان هه‌لداوین و به‌ شه‌رمه‌ زارێوه‌ ده‌چنه‌ سه‌ر سندوقه‌کانی ده‌بگ دان! له‌رووی ناچارێوه‌یه‌ ، ئه‌وه‌یکه‌ ده‌فه‌رموی لایه‌نگرانی ده‌رجه‌ یه‌ک نازانم مه‌به‌ستت کێیه‌ ؟ به‌ بروای من هه‌ر که‌س ئه‌ورۆ خۆی به‌ کوردێکی دڵسۆز و راسته‌قینه‌ بزانێ به‌شداری ناکا و نه‌ی کردۆ . من که‌ ده‌لێم خاین مه‌به‌ستم ئه‌و که‌سانه‌یه‌ که‌ ده‌هۆل کوتی ئه‌و ده‌سته‌ڵاته‌ کورد کوژه‌ن کاکی برا ، ئه‌و به‌شداریێ جه‌نابیشت فووی لێده‌که‌ی وانه‌ بوو من بۆخۆم په‌یتا په‌یتا سه‌ردانی شوێنه‌کانم ده‌کرد ئه‌وه‌ی راستی بێ من سه‌فی ده‌نگده‌رانم نه‌دیت به‌ داخه‌وه‌ شه‌وێ له‌ کات ژمیر 6ی ئێوارێوه‌ بۆ لای 11 جه‌ماعه‌ته‌ که‌ به‌شداریان کرد ئه‌ویش ده‌بێ بله‌ین به‌داخه‌وه‌ به‌ڵێ به‌ڵێ دیسان ده‌لێم زستان دێت وده‌روا رووره‌شی هه‌ر به‌ ره‌ژوو ده‌مێنێ ، هه‌ر بینا هه‌مبانه‌ی نانی ئه‌و خاینانه‌ش دڕا ، که‌ چه‌کی خاینه‌تیان له‌ شانه‌ وله‌ لایه‌کی دیکه‌ش وه‌ک به‌سیجی فه‌عال که‌واسوری بۆ ده‌سته‌ڵاتی ئیسلامی ئیران ده‌که‌ن ، هۆ مامه‌ گیان پێت وایه‌ که‌س نازانێ کێ بوون و کێن ئه‌وانه‌ی مانگێک پێش هه‌ڵ بژاردن ماڵه‌ وماڵیان ده‌کرد بۆ دڵ دانه‌وه‌ی خه‌ڵک به‌ قازانجی ده‌سته‌ڵاتی ئیسلامی ، من ئه‌وانه‌ به‌ خاین ده‌زانم نه‌ ک کابرای بازاری که‌ ره‌نگه‌ له‌ رووی نا ئاگاهیه‌وه‌ ده‌نگی دابێ یا کابرای که‌ نان بری نه‌که‌ن ! هه‌ر ئێساتش ده‌لێم خوا هه‌ڵناگرێ له‌ شاری مه‌هاباد کانگای بیری ئازاد و کوردایه‌تی شه‌رمه‌ خه‌ڵکه‌که‌ی به‌ راده‌یه‌کی زۆر که‌میش بێ به‌ پیر بانگه‌وازی ده‌سته‌ڵاتی ئیسلامی گه‌نده‌ڵی ئێرانه‌وه‌ بچن ، نه‌خێر کاکی خۆم حیزبه‌کانیش بۆ ئیمه‌ جیگای شانازین خه‌ڵکیش به‌ خۆشێه‌وه‌ به‌ باشی پێشوازیان له‌ با نگه‌وازه‌ هاوبه‌شه‌کان کرد، ئه‌و ئاماره‌ هه‌ڵه‌ی تۆ ئیمانت پێ هێناوه‌ ئه‌وه‌یه‌ که‌ من پێی ده‌لێم فرو فیشالی ده‌سته‌ڵات دارانه‌ ، ئه‌و خه‌لکه‌ی به‌ ئیمانه‌وه‌ پیاوانه‌ نه‌ چونه‌ پای سندوقه‌کانی ده‌نگ دان کاکڵ و به‌رهه‌می خه‌باتی شۆرشگێرانی حیزبه‌کانن ،هه‌ر ئه‌وانه‌شن له‌ داهاتویه‌کی نه‌ دووردا وه‌ک هه‌وره‌ تریشقه‌ به‌سه‌ر دوژمنانی کورد دا ده‌گرمێنن و چه‌که‌کانیان له‌ ژێر خاک ده‌ر ده‌کێشن و راو راوێنێ به‌ سپای پاسداران ده‌که‌ن و وڵات به‌ده‌ریان ده‌که‌ن . بژی برایه‌تی و یه‌کیتی سڵاو بۆ به‌ره‌ی ئۆپۆزسیۆنی کورد به‌ گشتی ، مردن بۆ خاینان و گوێ له‌ مستان و ده‌سته‌ڵاتی ئیسلامی .

مامه‌|2 Mar 2012 - 14:07

سڵاو بۆ کاکی خه‌زایی ئه‌مڕۆ هه‌ینی دیتمان که‌ قسه‌ی کێ فڕ و فیشاڵ بوو . به‌ داخه‌وه‌ بۆ هه‌موومان و بۆ حیزبه‌کانیش که‌ خه‌ڵکی مه‌هاباد به‌شداری له‌ ڕاده‌به‌ده‌ری له‌ هه‌ڵبژاردن دا کرد . من نازانم ئه‌و زستانه‌ی ئه‌و براده‌رانه‌ که‌ی ده‌ڕوات و ئه‌و ڕه‌ژوویانه‌ کێن که‌ ئه‌وان به‌رده‌وام هه‌ڕه‌شه‌یان لێ ده‌که‌ن . ئه‌وجار براده‌ری خۆشه‌ویست خائینی چی و شتی چی ..... بۆ ئاگاداریت زۆربه‌ی به‌شداربووانی ئه‌مڕۆی شانۆی هه‌ڵبژاردن لایه‌نگرانی حیزبه‌که‌ی ئێمه‌ بوون که‌ خۆیان به‌ هه‌واداری ده‌ره‌جه‌ یه‌کی حیزب ده‌زانن . ئه‌گه‌ر هه‌ر به‌و ئه‌ده‌بیاته‌ و به‌و شێوه‌ ئاخافتنه‌ ده‌گه‌ڵ خه‌ڵک بدوێن ئه‌وا ڕۆژ به‌ ڕۆژ له‌ خه‌ڵکی کوردستان دوور ده‌که‌ونه‌وه‌ .

خه‌زایی.. مه‌هاباد|1 Mar 2012 - 11:29

سڵاو بۆ هه‌مو بینه‌رانو خوێنه‌رانی سایته‌ کوردیکان به‌رێزان سه‌باره‌ت به‌و کامێنته‌ی مامه‌ ، ده‌مه‌وێ بڵێم ناو براو هه‌ر بیستویه‌ که‌ لاوه‌کانی مه‌هابادی ه‌ب خاتری دانی سه‌لاحییه‌ت به‌ ئاغای مه‌حمودزاده‌ رژاونه‌ته‌ سه‌ر شه‌قامه‌کان ، به‌ڵێ راست ده‌کا من بۆخۆم شایه‌دی ئه‌و هه‌رایه‌ بووم که‌ ژوماره‌یان نه‌ده‌گه‌یشته‌ 300 که‌س خزم وده‌ورو به‌ری مه‌حمود زاده‌و هێندێک بوون ، ئه‌وه‌ی مامه‌ ده‌یفه‌رموێ فرو فیشاڵن ، سبه‌ی مه‌علوم ده‌کا خه‌ڵکی کوردستان جۆن ولامی پێویست به‌ جمهوری ئیسلامی ده‌ده‌نه‌وه‌ ، زستان دێت و ده‌روا روو ره‌شی به‌ ره‌ژوو ده‌مێنی ! ده‌سته‌ڵاتی ئیسلامیش خه‌ریکه‌ ته‌فنیش ده‌بێ هیوادارین که‌ خاینان بگه‌رێنه‌وه‌ باه‌شی نیشتمان و شه‌ق له‌ نانی جاشێتی هه‌ڵده‌ن . خه‌زایی

مامه‌|1 Mar 2012 - 05:52

سڵاو و ڕێز بۆ کاکه‌ مه‌لا دوێنێ شه‌وێ به‌ هه‌زاران لاوی مه‌هابادی هه‌تا به‌یانی به‌ ته‌واوی شار دا ده‌گه‌ڕان و شایی و هه‌ڵپه‌رکێ یان بوو . ده‌زانی بۆ ؟ ئیزبه‌که‌ی تۆش و هی منیش و هی زۆر که‌سانی دیکه‌ش هه‌ڵبژاردنی بایکۆت کرد به‌ڵام دڵنیا به‌ خه‌ڵک وه‌ڵامیان ناداته‌وه‌ و .... وه‌رن با له‌و جۆره‌ مه‌سه‌لانه‌ بکۆڵینه‌وه‌ تا شتی له‌م جۆره‌ .....

دۆستێک|1 Mar 2012 - 02:39

ده‌ست خۆش کاک برایم بۆ وه‌ڵآمه‌که‌ت . ئه‌من حه‌ول و تێکۆشان بۆ یه‌ک ریزی به چاک ده‌زانم پێشتریش کوتبوم که به دڵسۆزت ده‌ناسم به‌ڵآم قسه‌ لێره‌دا ئه‌وه‌یه که ئایا جوابه جه‌نگی و وه‌ڵام نامه له سه‌ر یه‌کتر ده‌رکردن که بۆته هه‌وێنی نوسینی زۆر که‌س ته‌ئیسر گوازره ؟ خه‌ڵکی پێ رون ده‌بێته‌وه ؟ لایه‌نی به‌رامبه‌ر ددان به راستیدا ده‌نێ و شه‌هامه‌تی قه‌بول کردنی قسه‌ی حه‌قی هه‌یه ؟ تا ئێستا من سه‌دان وه‌ڵآم نامه‌ی جۆارجۆرم له زۆر که‌سان بینیوه به‌ڵآم بۆ یه‌کیجاریش نه‌مدیتوه لایه‌ک قسه‌ قه‌بوڵ کا ، له لای ئێمه قه‌بوڵی ره‌خنه و رون کردنه‌وه به جۆرێک تێکشکان و بگره فه‌وتانی شه‌خسیه‌ته . پاشان قه‌راره وه‌ڵامی چه‌ند که‌س بده‌یه‌وه من ده‌ڵێم سه‌راسه‌ری ژیانت سه‌رفی وه‌ڵآمدانه‌وه بکه‌ی هێشتا به‌ش ناکا و لایه‌نی به‌رامبه‌ریشت هیچ ناگۆردرێ . قسه‌ی من ئه‌وه‌یه با به جێگای ئینرژی سه‌رف کردن له سه‌ر وه‌ڵآم نامه ده‌رکردن به کردوه حه‌ولێک بدرێ که ئه‌و هێز و وه‌خته به فیرۆ نه‌روا . پاشان من پێم وایه هه‌ر چه‌ند به‌ره و یه‌کێتی و کۆ کردنه‌وه‌ی حیزبه‌کان گرینگه به‌ڵآم نابێ و ناشکری له ئه‌وله‌ویه‌ت دابێ ، له ته‌واو دونیا جیاوازی بیر و را هه‌یه و حیزبی جۆراجۆر که‌س ئینتزاری نیه کمۆنیستێک له گه‌‌ڵ دمۆکراسی خۆازه‌کان تێک خزێن ئێمه‌ش نابێ ئینزارمان بێ حیزبی خه‌بات دان له گه‌ڵ کۆمه‌ڵه بکۆڵێ ، به قه‌ولی ئینگلیسیه‌کان هه‌ر که‌س به‌ر ماڵی خۆی خاوێن کاته‌وه شار شاره‌داری ناوێ ، بۆ وێنه حدک که خۆت ئه‌ندامی وی بۆ ئیسباتی خۆی نابێ موحتاجی ئێعلامیه ده‌رکردن و وه‌ڵآم ده‌ر کردن له سه‌ر حدکا بێ ، ئه‌نگۆ کاری خۆتان به دروستی و جیدی بکه‌ن قه‌راره هه‌ڵه‌یه‌کیش له هه‌ر لایه‌ک رو بدات سیاسه‌ت عه‌رسه‌ی عه‌مه‌له دره‌نگ یان زو ده‌رده‌که‌وێ .

برایم جەهانگیری|28 Feb 2012 - 14:58

سوپاس بۆ بۆچونی دۆستان، بەتایبەتی کاک جوانە و دوستێک، جوانەی برام من بۆچوونی خۆم بە تێر و تەسەلی لەسەروە نووسیوە و لە چاو نوووسینەکەی جەنابتان رەنگە لانی کەم 5 هێندە ببێ بۆیە بێ ئینسافییە چیدیکە بنووسم. رێزم هەیە بۆ بۆچونەکەت و شێوەی بیر کردنەوەکەتان. کاک دوستێک. برای زیدە ئازیز ، ئێوە لوتفتان هەیە و بۆچوونەکانیشت جێگای لێورد بوونەوە. ئەگەرچی من هەر بابەتی ولام دانەوە نانوسم و سەرنج و رەخنەکانم زۆر بوار دەگرنەوە بەڵام بە دوو دەلێل زیاتر لە سەر کورد و لە سەر حێزبەکان دەنووسم. یەکەم کوردم و خەمی کوردانم هەیە و بە تێگەیشتنی خۆم هەوڵ دەدەم خزمەتێک بەو گەڵە بەشخوراوە بکەم دووهەم حیزبیم و کە باسی حیزب کرا و دەبێ بە پیی توانا و بۆ روونکردنەوە و دیفاع لە حیزبەکەشم کات دا بنێم. ئەو بەشە بەلای منەوە گرینگە،لە هەمان کاتدا هەوڵ دەدەم لە دیالۆگ و ئاڵو گوڕی بیر وڕا دا زمانێکی ئەهوەن و برایانە بەکار بێنم و ئەو دم بە دمە و جوابە جەنگییە ببێتە دیالۆگێکی سەردەم کە وێڕای جیاوازییەکان بتوانین دەگەڵ یەکتری قسە بکەین و هەروەها تەحەمولی یەکتری بکەین، کاکی برا و دۆستی خۆشەویست، ئەو مەسەلەیە بۆ من گرینگە یەکجار زۆر . چوونکە ئەگەر نەمانتوانی وێرای رەخنە لەیەکتر گرتن سنووری رێز بپاریزین و زمانی رەخنەکەمان زمانێکی سەلیم و برایانە نەبوو دەبێتە شەڕی راگەیاندن. کە شەڕی راگەیاندن دروست بوو حیزبەکان بەرەو شەڕی فیزیکی دەچن و کار و تێکۆسانی حیزبی ئیفلیج دەبێ. ئەوەی تا ئێستاش هەیە جاری وایە خاوە و جاری وایە گشت هەمان هەلومەرجی شەڕی ڕاگەیاندنە. دووهەم هەووڵی من ئەوەیە ئەو حیزبانە لێک نزیک بنەوە، نەک هەر دێمۆکراتەکان، بەڵکوو کۆمەڵکان، بەگشتی هەرچی رێکخراوی سیاسی کوردی هەیە دەبێ لەدەوری یەک کۆوە بن، دەنا پێم ناڵێی کوردایەتی چٶن دەکرێ؟ کوردایەتی خۆ هەر بەدروشم ناکری، رێکخستنی دەوێ، ئەوە نییە رێکخستن واتە حیزب هەیە، بەلام ئەو رێکخستنە کۆدەنگی حیزب و هێزەکانی دەوێ، تا ئەو کۆدەنگییە پێک نەیە ئێمە لە رۆژهەڵات لەوە چاکتر نابین. کەوایە با نووسین لەسەر حیزبەکان بەکەم ن تا ببێتە رێکستنێکی نەتەوەیی، ئەگەر حیزبەکان یەکیان گرت ئەودەم گەورەترین زەبر وەپەیکەری رێکژیمی ئیسلامی کەوتووە. تۆ پێتوایە دوکتور سادق شەڕەفکەندی هەر چوونکە سکرتێری حیزبی دێمۆکرات بوو ترۆر کرا؟ نا کاکی خۆم، چون بە جیددی دەهەوڵی سازکردنی بەرەیەکی دژی رێژیم دا بوو. دوژمن دەزانێ کە کورد پەرەوازە بوو و حیزبەکان هەر وا پەرت و پەرەوازە بن خەتەری نییە، بەڵام کە یەکی گرت مەترسی بۆ ساز دەبێ. ئەگەر رووناکبیرانی ناوخۆ ودەروەی حێزبەکان بتوانن یەک هەنگاو لەو کارە نزیک ببنەوە و حیزبەکان ناچار بە دانیشتن و یەکتر قەبوولکردن بکەن ئەوە سەرکەوتنێکی گەورەیە بۆ کورد و کوردستان . وای دابنێ بەو حاڵەی هەمانە سبەی رێژیم لە ژێر زەبری سەربازی دەرەکی رووخا ، کورد چی لێ بەسەر دێ، پێت وا نییە لاوانی کورد دەبێ لەسەر سیاسەتی چەوتی حیزبەکان ورگی یەکتری بدڕن؟ جا بۆیە بێ چارەسەر کردنی کێشەکان و بێ دروست بوونی بەرەیک لە نێوان هێزەکانی رٶژهەڵات خەبات دژی رێژێمی ئیسلامی هەر لە چوار چیوەی دروشمدا دەمێنێتەوە. رێزت هەیە.

کەیوان|28 Feb 2012 - 13:42

دەست خۆشی بە کاک انبراهیم دەلیم و ولامیک چاکی داوەتەوە بە کاک صادق وبێ اوەی بی احترامی بە کەس بکات. یارەبی کەسانی وەک تۆ هەمیشە زور بن، چونکە بۆ اشتی وبرایەتی زۆر لازمە.

دۆستێک|28 Feb 2012 - 12:32

کاک برایم سڵآوت لێ بێ . هه‌ر چه‌ند جیاوازی بیر و رام له گه‌ڵ جه‌نابتان بوه به‌ڵآم شکم له دڵسۆزی و کوردایه‌تیت نیه ، زیاتر له دوازده ساڵه له نزیکه‌وه نه‌م دیتون ، بۆیه نازانم به کردوه خه‌ریک به چین به‌ڵآم ئه‌وه‌ی من له ماڵپه‌ره‌کاندا ده‌یخوێنمه‌وه زۆرتر وه‌ڵآم دانه‌وه و رون کردنه‌وه‌ له سه‌ر که‌س یان که‌سانێک بوه که ئه‌وانیش خۆیان پێ کورد و حیزبی بوه ، جودا له‌وه که چه‌نده تا ئێستا حه‌ق به جه‌نابتان بوه ئه‌من پێشتر نه‌زه‌ری خۆم کوتوه و ده‌ڵێم هه‌موی با حه‌ق به تۆ بێ ، به‌ڵآم راستیت بوێ من زۆر زۆر ناره‌حتم که ده‌بینم کاک برایمێک که زه‌مانێک لاوانی مه‌هابادی له خۆ کۆ ده‌کرده‌وه و به کردوه لاوانی بۆ کوردایه‌تی هان ده‌دا ، کاک برایمێک که دوکانه‌که‌ی کردبۆوه پاتۆقی لاوانی خوێن گه‌رم و هه‌ڵبژاردانی مه‌جلیسی ده‌کرده تریبۆنێک و ده‌رفه‌تێک بۆ ته‌بلیغاتی کوردایه‌تی ، ئه‌ورۆ هێز و ئینرژی و قه‌ڵه‌می خۆی ته‌نیا له وه‌ڵام دانه‌وه و رون کردنه‌وه خه‌سار ده‌کا ، له مێژ بو ده‌مهه‌ویست نامه‌ت بۆ بنێرم و باسی ئه‌و خه‌ساره‌ت بۆ بکه‌م به‌ڵآم ئێماله‌که‌تم نه‌بو ، به براوی من وجودی که‌سانی وه‌ک جه‌نابت له مه‌هاباد و بگره ته‌نانه‌ت له زیندانێکی ناوخۆدا زۆر زۆر به قازانجتر بو تا را کردن بۆ ئروپا و وه‌ڵآم نامه و رون کردنه‌وه ده‌رکردن ، قسه‌م زۆره چونکه ده‌رد زۆره به‌ڵآم ده‌یبرمه‌وه و ده‌ڵێم که کۆماری ئیسلامی ئیستاره‌حه‌ت ده‌کا چونکه کاک مه‌لا برایمه‌کان کوردستانیان به جێهێشت ، ئه‌گه‌ر کۆماری ئیسلامی زانی بای ئێمه‌ی کورد به هاتنه ئروپا ده‌بینه مه‌ترسی هیچ کات نه‌دیهه‌یشت لاقمان له کوردستان خاریج که‌ین به‌ڵام هاوکات که فشاری بۆ ده‌هێنێیان رێگایشی ئاواڵاه کرد بو ، یانی له عه‌سڵدا پاڵ تێوه‌نان نان بو زۆرتر . هیوادارم لێم ناره‌حه‌ت نه‌بی به‌ڵآم ئه‌وه ته‌جوربه‌ و نه‌زه‌ری منه .

جوانه|28 Feb 2012 - 08:33

كاك ئیبراهیم به‌ داخه‌وه‌ ئێمه‌ی كورد له‌به‌ر توندڕه‌وی خۆمان له‌ بیر كردووه‌ مسته‌فا هیجری و هاوبیرەکانی به‌ قه‌ولی ئێوه‌ی به‌رێز ئه‌گه‌ر هه‌زار هێنده‌ی ئێوه‌ی باسیان ده‌كه‌ن به‌ نادیموكرات هه‌مووی توجیهی ئه‌وه‌ی نه‌ده‌كرد و بایی ئه‌وه‌ی نه‌بوو ئێوه‌ له‌ حیزب جیا ببنه‌وه‌. تازه‌ خه‌ریك بوو دوو جه‌ناحی وه‌ك نه‌ریتێكی لێ ده‌هات و هه‌ر چه‌ند ساڵ جارێك یه‌كێك له‌و جه‌ناحانه‌ ده‌بووه‌ زۆرینه‌ له‌ حیزبدا و له‌ نه‌وعیه‌تی خۆیدا شتێكی باشیش ده‌بوو بۆ دیموكراتیزه‌ بوونی رای جیاواز ئه‌گه‌ر به‌ یاسا رێكبخرایه‌. چونكه‌ ئه‌و ده‌م حزبیه‌كان به‌ مه‌یلی خۆیان له‌ نێوان نوخبه‌ی ئه‌و دووباڵه‌دا شێوه‌ی به‌رێوه‌به‌رییان ده‌ستنیشان ده‌كرد به‌لام به‌ داخه‌وه‌ جه‌نابت و هاوبیره‌كانت ئه‌وه‌نده‌تان ته‌حه‌مول نه‌كرد بۆ هه‌لبژاردنێكی دیكه‌و دلنیا بووم ده‌نگی زۆرینه‌تان دێنایه‌وه‌ ئه‌گه‌ر مابانایه‌وه‌. ئه‌مه‌ ده‌بووه‌ نه‌ریت و حیزبیش وه‌ك خۆی ده‌ما و ئه‌و كات هه‌ندێك پڕه‌نسیپ و خاڵی گشتی و نیشتمانی ده‌مانه‌وه‌ كه‌ هه‌مووان هه‌میشه‌ له‌سه‌ری كۆك بووین و ده‌بین. به‌ڵام به‌ داخه‌وه‌ خۆت و هاوبیره‌كانت ئه‌و نه‌ریته‌تان كوشت كه‌ من پێم وابوو ئه‌گه‌ر دروست كاری پێكرابایه‌ ده‌بووه‌ دێموكراسیه‌كی نێوخۆیی گرنگ و حیزبی دێموكراتیش ده‌بووه‌ داهێنه‌ری ئه‌و جۆره‌ له‌ دێموكراسی به‌ڵام سه‌د مه‌خابن نه‌تانهێشت ئه‌وه‌ سه‌ر بگرێ ته‌نها به‌وه‌ی هه‌ڵاتن و مه‌یدانتان بۆ ره‌قیبه‌ نێوخۆییه‌كان چۆڵ كرد و ده‌ره‌قه‌تیان نه‌هاتن هه‌م له‌ باری سیاسیه‌وه‌ و هه‌م له‌ باری مودیریه‌تی و ئیجراییه‌وه‌ ئه‌وان له‌ ئێوه‌ به‌هێزتر بوون چونكه‌ 10 ساڵ ته‌حه‌مولی ئێوه‌یان كرد بێ ئه‌وه‌ی حیزب تووشی نوشستی بكه‌ن به‌ كه‌مینه‌یی مانه‌وه‌ و بوونه‌ زۆرینه‌ش دوای ئه‌وانیش ئه‌گه‌ر دروست بجوڵانایه‌وه‌ ئێوه‌ ده‌بوونه‌وه‌ به‌ زۆرینه‌ به‌ڵام هه‌ر به‌داخه‌وه‌م بۆ ئه‌وه‌ی كه‌ حیزبتان جێ هێشت و ئێسشته‌یش خۆتان به‌ دڵنیاییه‌وه‌ له‌ ناخی خۆتاندا ده‌زانن كه‌ ئێوه‌ حیزبی دێموكرات نین له‌ باری یاساییه‌وه‌ و ئه‌مه‌یش سبه‌ی له‌ كوردستانی ئازاددا دادگا برَیاری له‌سه‌ر ده‌دا كێ حیزبی دێموكراته‌. له‌گه‌ڵ رێزم بۆ هه‌مووان. بژی حیزبی دیموكراتی یه‌كگرتوو

karim|28 Feb 2012 - 08:03

سلاو دەستەکانت خۆش کاک برایم بە راستی سابیتت کرد کە جیاوازی هەیە لە نیو ئەندامانی حدک و حدکا بە ریبەرایەتیکەشیەوە

مه نسور|28 Feb 2012 - 06:14

ته مه ندرێژ و نه سره وتو بیت له پێناو ئامانجێکی پیرۆزدا.دڵنیام ئه و که سانه ی وه ک به رێزت بیر ده که نه وه سه رکه وتو ده بن،سه رکه وتوش نه بن هه وڵێکی پیرۆزه و ئه وانه ش پێچه وانه که ی ده جوڵێنه وه هه ر دۆراو و ناسه رکه وتون.

ahmad mirzai|28 Feb 2012 - 03:08

kak braim geyan taneya datwanm baleyam dast xosh beyat hiwa daram la har 2lae demokrat ensani wako janabt haben

حوسین محمەدی|27 Feb 2012 - 17:41

دەست خۆش نووسراوەیەکی پر نێوەروک کە لەگەل دەرخستنی هێندیک لە راستیەکان زۆر بە ئەدب و حورمەتەوە نووسراوە . کاتێک کاک برایم و کاک بیژن وا بەنەزاکەت لە سەر مەسەلەی دیموکراتەکان دەنووسن مروڤ زۆری پێ خۆش دەبێ . ئەو قسانە قین و بوغزی تیدا نیە و شکانی هیچ لایەک و کەسایەتێک نیە بە زمانێکی پاراو پەتی بەلام بە گەیاندیکی گەلێک سادە و باش و رەوان . بریا هەموو کەس وەک کاک برایم وکاک بێژن بنووسێ.

مەلا خالید|27 Feb 2012 - 15:10

بەسڵاو لە هەموو هاوڕێیانی خۆشەویست ، بەتایبەت هۆگرانی یەکبوون و برایەتی . لەم بۆچوونەم دا باسی یەک بوون و یەک ڕێزی و برایەتی لە تەنیشتی خۆم دادەنێم و جاڕێ کارم پێی نیە ، تەڕازوویەک لە پێش خۆم دادەنێم ، ڕەخنەی کاک سادق عەسکەری لەسەر لایە لایەی کاک برایم جهانگیری دەخەمە لایەکی _ تەرازوو ، لایەکەی دیکەی تەرازوو بۆ وڵامەکەی کاک برایمی جهانگیری تەرخان دەکەم ، بۆ بارسەنگی کێش و بایخی ئەو سەودایە ، شعرێک دادەنیم کە نازانم خاوەنەکەی کێیە ؟ دەڵێت : خال مە رویان سیە و دانەء فلفل سیە هر دو جان سوزند و این کجا و آن کجا ڕێزم بۆ هەموان _ مەلا خالید

له نیوخووه|27 Feb 2012 - 14:19

هه ی ده سته کانت خوش کاک برایم گیان خو به خودای هیچتان له نزیکه وه ناناسم به لام نوسینه که ی تو و لایه نه که ی تر عه رز و اسمان جیاوازیان هه یه هه ر سه رکه و توو بی پیویستیمان به که سانی وه ک تو به راستی هه یه