نە پیلانی نهێنی و نە هی ئاشکرا لە خەومان ڕاناپەرێنێ

نە پیلانی نهێنی و نە هی ئاشکرا لە خەو ڕامانناپەرێنێ

کۆبوونەوەی دوو دەوڵەتی دژ بەکوردی ئێران وعێراق لە هەولێری پایتەختی هەرێمی کوردستان سەبارەت بە پاراستنی سنوورەکان چەند پەیامی روون وئاشکرای هەیە. یەکەمیان ئەمەیە کە هەر کات ئەو دوو ولاتە لە خەم رەخسان و کێشەناوخۆییەکانیان کۆتایی هات یەکەم شت کە بیری لێدەکەنەوە ئۆپۆزیسیۆنە بێخەتەرەکەی کوردی رۆژهەڵاتە کە وا چەند ساڵە لە باشوور دانیشتوون و جگە لەوەی کە بە کردەوە هەنگاوێکی ئەرینیان بۆ خۆیان وبۆ دواڕۆژی کوردستان هەلنەهێناوەتەوە و بیرێکی جیددیان لەو زەمینگیربوونە نەکردۆتەوە بەڵکوو لە بازنەی تەسکی بیرۆکەی حیزبایەتی بە شێوەی کۆن و گۆشکردن وتەربیەت کردنی ئەندامان و لایەنگرانیان بە دژایەتی یەکتری و بە بەردە و عەبدی بێ ئەم لاو ئەولای حیزب بوون کردنیان دا خول دەخۆن و خول دەخۆن.

کارەسات لەوەدایە کە هەندێ حیزبی کوردی بەسەت کۆبوونەوە و پیلان و بەرنامەی ئاشکرا و نهێنی دوژمنان لەو خەوە گرانە و لە خەیاڵە دۆنکیشوەتییە ڕاناپەڕن و ئەوەی ٣٠ ساڵ لەمەوبەر کوتوویانە و کردوویانە هەر هەمان میتۆد و هەر هەمان رەوشت و هەر هەمان دیدوبۆچوون بۆتە بناخەی سیاسەتیان لە کردار و لە رەفتاردا. ڕەنگە ئەوان لایان وابێ کە زەمان لەسەریان ڕادەوستێ و وەک هاوڕێی کاروانێکی دوورەڕێ لە کاتی شەکەتی دا دووراو دوور ئاوڕێکیان لێدەداتەوە و بە ئەسپایی بانگێان دێڵی" هۆ کاکی برا ڕێ کەن، دەی بڕۆن کاکە درەنگە..." . لەڕاستیدا ئەوان ڕۆژدەگەڵ رۆژ لە کاروانی رووبە پێشی کۆمەڵگادا وەدوادەکەون و دەترسم کاتێ هەلیش دەست کەوێ و گۆڕانێکی دوور لە ئیختیار و لە هەوڵ و تەقەلای ئەوان ڕووبدات ئەوا بە تەواوی بەسەر هەواری خاڵیدا بکەون و دەست لە ئاتەگ درێژتر جگە لە مێژوو و ڕابردوو چیدیکەیان بۆ کوتن پێ نەبێ کە مێژووش هەموو لایەک دەانین بە بارێکی دیکەی دا تەنیا حەقایەتگێڕانەوە!

ئێستا ڕەنگە دۆستان بڵێین دیسان فڵانکەس سەروگوێلاکی حیزبەکانی تێککردەوە؟ بەڵام هەرچی دەکەم چیدیکەم بە زەین دانایە و نازانم چۆن بۆ مەسەلەکە بچم؟ بڵێم ئای دووژمنی غەدار خەریکە پیلان دەگیڕێ و مەترسی هەیە بۆسەر تێکۆشەرانی رۆژهەڵات؟! ئاخر خۆ دوژمن کارێکی سەیر و عەجایبی نەکردووە، ئەوان ئەرکی خۆیان و بەرنامەی خۆیان بۆ لەبەینبردنی نەیاران و دژبەران و ئازادیخوازان بەئەنجام گەیاندووە، ئەوە کوردە و ئەوە هێزە کوردیەکانن کە ئەرکی نیشتمانی ونەتەوەیی خافڵن، ئەوە سەرکردەو رێبەری خۆپێزۆری خۆبەزلزان و دەوروبەریەتی کە دولاقیان دەکەوشێک کردووە کە ئیلا هەر یەک کەس و یەک لایەن تاکە سواری ئەو مەیدانەن و هەر لە خەیاڵی دووبارە بوونەوەی کۆپی عێراق و باشووری کوردستانن تا سبەی یەک ببێ بە "شا" و ئەویدی بە وەزیر و باقیش گزییییییر!

کورد دەڵێ لانی کەم لە رۆژی تەنگانە دا دەبێ هەموو کێشەو ناکۆکیەک تووڕ هەڵبدرێ و ئەوەی دڵسۆزە قۆڵی هیممەت هەڵماڵێ بۆئەوەی ئەو بارە یەکجار لارەی کوردی رۆژهەڵات تووشی هەڵدێر نەبێ و بە لاریش بێ بگاتە مەقسەد! ئاخە رۆژ هەیە لەم رۆ تەنگانەتر بێ!؟ خۆ ئەگەر کوردەکە یەکگرتوو بێ دوژمن حاڵی هێندە خاوێن نیە تا ترسمان لێی هەبێ بەڵام داخی بەجەرگم ئێمە لە دوژمن کاولتر و وێرانترین!

کۆبوونەوەی پاراستنی سنوور بۆ لەهەولێر گیرا؟
دیارە لە باری یاساییەوە هێزەکانی پاراستنی سنوور لە سەرتاسەری عێراقدا و بە کوردستانیشەوە یەک هێزن و لە ڕاستیشدا دەبێ لە یەک سەرچاوە ڕا بوودجەیان بۆ تەرخان بکرێ و لە یرک جێگاشڕا فەرمان وەرگرن. بەڵام ئەوانەی کوردستان دەبەردەستی وەزاڕەتی پێشمەرگەی کوردستاندان و هەر لەوانیش فەرمان وەردەگرن، بۆیە لەو بارەوە لانی کەم نیگەانی ئەوە نیم کە دوژمنی خیلەسەر بتوانێ زەبرێک لەجەستەی ئوپۆزیسیۆنە کەلەلاکەی رۆژهەڵات بوەشێنێ، ئەو کۆبوونەوە بۆیە زیاتر لە هەولێری پایتەختی هەرێم بەستراوە تا دوو پەیام بە کوردی رۆژهەڵات بگەیەنێ، یەکەم ئەوە بگەیەنن کە ئەوان کۆنتڕۆڵ و چاوەدێری تەواویان بەسەر وەزعەکەدا هەیە و تەنانەت لە پێتەختی هەیمێش دەتوانن پیلانی مەترسیدار دابڕێژن. دووهەم بۆیە ئەو کۆبوونەوەیە لەوێ دەگیرێ تا حکوومەتی هەرێم لە چاوی کوردی ڕۆژهەڵات سووک و بێقێمەت بکەن و وای نیشانبدەن کە هەرێم وپێتەخیتەکەی بۆتە ناوەندیپیلانگێڕان دژی کوردی ڕۆژهەڵات.

کوردی ڕۆژهەلات و ئومێد و هیوای کورد لەوبەشەدا جگە بە بووژاندنەوە و زیندووکردنەوەی رووحی شۆڕشگێری کە لە ئێستا دا دووچاری جۆرێ "سەرخوردەگی" و ناهومێدی و خەمساردی بووە هیچ ڕێگایەکی دیکەی نییە، ئەویش تەنیا لە پێک هاتنی بەرەیەکی یەکگرتووی دێمۆکڕاتیک لە نێوان هێزەسیاسییە کوردستانیەکاندا ڕەنگدەداتەوە. رۆژهەڵات تینووی شۆڕشێکی گەرم وئاگرینە، هەر دوور نەڕۆین لە ماوەی ڕابردوودا چەند بزاڤ و چەند حەڕەکەتێکی چەکداری پارێزەرانی ڕۆژهەڵات ئەو ڕاستیەی ئاشکرا کرد کە کە کورد لە رۆژهەڵات تینووی خەباتێکی سەخت و دژوار بەڵام شۆڕشگێرانەیە، ئەوە راستیەکە بۆ هەموو لایەک لەو ماوە کورتە دا سەلمێنراوە، پارێزەرانی رۆژهەڵات لە ناوخۆی وڵاتن و دەتوانن ببنە یەکەم چەخماخەی شۆڕشێکی نوێ لە ڕۆژهەڵاتی کوردستان. ئەگەرچی بۆ منی پەریوەی دوورە وڵاتی خۆشنشین نەهاتووە تا تینی ئەو هەنگاوە ئاگرینە پڕ مەترسییە بدەم بەڵام ئەوە ڕاستیەکە حاشا هەڵنەگر ئەگەر ئیمکانی پێکهاهتنی بەرەیەکی کوردستانی نەبێ و نییە، کێ لە ساحەی کوردستان دا حوزوری هەبێ ئەو براوەی دواڕۆژی رۆژهەڵاتی کوردستانە، براوە بە مانای قواستنەوەی هەلە مێژوویەکان بۆ ڕاپەڕاندنی گەلێک کە بۆ ماف و ئازادیەکانی خۆی ئامادەی هەموو قوربانیدانێکە. براوەی مەیدانی هەنگاوە هەستیارەکان بە مانای ڕاپەڕاندنی ئەرکی مێژوویی و نەتەوەیی لە قۆناخە هەرە سەختەکاندا.

بەڵێ ئەوان مڵەن

ئه‌وان مڵه‌ن!
ئه‌ی ڕه‌قیب هه‌ر ماوه‌ قه‌ومی کوردزمان

عه‌لی باپیر بۆچی له‌به‌ر ماڕشی نه‌ته‌وه‌یی هه‌ڵناستێ؟

 هه‌موو ئیدئۆلۆژیه‌ک یه‌ک له‌وان ئیدئۆلۆژی 1400 ساڵ له‌مه‌وبه‌ری ئیسلام مێشکی مرۆڤه‌کان ده‌شۆنه‌وه‌ و که‌سه‌کان وا لێده‌که‌ن که‌ خۆیان نه‌بن، تاک وا لێده‌که‌ن که‌ نه‌ زمان و نه‌ ره‌گه‌زو نه‌کولتووری خۆی به‌لاوه‌ گرینگ نه‌بێ، خۆ ئه‌گه‌ر له‌ هه‌ندێ بواردا به‌ڕواڵه‌ت ئه‌وا باوه‌ڕیان پێی بێ ته‌نیا بۆ ئه‌وه‌یه‌ که‌ خه‌ڵکی گومڕا بکه‌ن و له‌ خشته‌یان به‌رن و خۆیان به‌ که‌سانی کورد و نیشتمانپه‌روه‌ر بزانن و بناسێنن ، ئه‌وان هه‌ڵگڕی ئه‌و ئیده‌وئیمانه‌ن که‌ هه‌رگیز له‌ ناخیاندا به‌ قه‌را نووکه‌ ده‌رزیه‌ک باوه‌ڕیان به‌ کوردایه‌تی وکوردبوونه‌وه‌ نییه، ئه‌وان ده‌یان هه‌وێ کۆمه‌ڵگای کورده‌واری به‌ره‌و یه‌خسیربوونی داب ونه‌ریتی عه‌ڕه‌ب به‌رن، ئه‌وان ده‌یان هه‌وێ به‌ خشکه‌ و به‌ ئارامی بمانتوێننه‌وه‌.

له‌به‌ر چاومانه‌ و جیاوازی که‌سانی نه‌ته‌وه‌یی و که‌سانی ئیسلامی به‌ ئاشکرا دیار و حاشا هه‌ڵنه‌گرن، ئه‌وان له‌ کولتوور و له‌ ره‌وشت و له‌ باوه‌ڕ دا چوونه‌ته‌ سه‌ر نه‌وه‌ی عه‌ڕه‌ب، ئه‌وان عه‌ڕه‌بێکن له‌ناو کورد دا که‌ به‌ پۆشینی جلوبه‌رگی کوردییه‌وه‌ خه‌ریکن به‌ره‌ی لاوی تازه‌ پێگه‌یشتووی کورد که‌ له‌ ناو ماڵ و کۆمه‌ڵگایه‌کی ئیسلامیدا چاویان به‌دونیا هه‌ڵێناوه‌ و هه‌ڵیان داوه‌ له‌ خشته‌ به‌ده‌به‌ن. جه‌مه‌دانی له‌سه‌ر ده‌که‌ن، که‌واو پاتۆڵی کورردی له‌به‌ر ده‌که‌ن، مێزه‌ری کوردانه‌ ده‌به‌ستن تا کڵامان له‌سه‌ر که‌ن! تا فریومان بده‌ن، تا کۆمه‌ڵگا به‌ره‌و کولتوری عه‌ڕه‌بی و ئیسلامی ڕه‌کێش بکه‌ن و له‌ کوردبوون به‌تاڵم،ان که‌نه‌وه‌.

گله‌یی له‌ عه‌لی باپیر مه‌که‌ن، هه‌وڵتان ئه‌وه‌ بێ لاوان له‌و مه‌ترسیه‌ ئاگادار که‌نه‌وه‌ که‌ به‌ ساویلکه‌یی خۆیان خه‌ریکه‌ ده‌داوی ئه‌وانه‌ ده‌که‌ون، به‌ڵی خۆتان ماندوو که‌ن تا مه‌لا و مێزه‌ربه‌سه‌ری نانیشتمانی و وڵاتفرۆشه‌کان به‌ته‌نیا بمێننه‌وه‌. ئه‌وان کورد نین، نه‌ته‌وه‌یی نین، ئه‌وان مه‌ترسین بۆ سه‌ر شوناس و پێناسه‌ و کولتووری ره‌نگین و پێشکه‌وتووی کورده‌واری، ئه‌وان ئاسته‌نگی پێشکه‌وتن و گه‌شه‌کردنی کولتووری پێکه‌وه‌ هه‌ڵکردن و دامه‌زراندنی بناخه‌کانی دێمۆکراسین،ئه‌وان مڵه‌ن له‌ ناو بێستان وباخچه‌ی ساوای رزگاری کوردستاندا.... به‌ڵێ ئه‌وان مڵه‌ن!