دڵسۆزی بە جەواڵ
لڤین پرێس:
"له‌گه‌رمه‌ى قه‌یرانى دارایى و داعشدا سه‌رۆكى هه‌رێمى كوردستان و سه‌رۆكى حكومه‌تى هه‌رێم كوردستانیان جێهێشتووه"
لە ئاست نووسینی ئاوا بێدەنگ بوون کارەساتە، ئاخر ئەگەر ئێوە چاوتان بەرایی نادات تا ببینن و تاقە ڕاپۆرتێک لەسەر چاوپێکەوتن و دیدارەکان و پێگە وبایەخی سەرۆکی هەرێمی کوردستان ببینن و دڵی ڕەش و ناخی قڕێژگرتووتان ئەو شانازیەی لەو رێگەوە بۆ کورد دەگەرێتەوە بۆی قووت نادرێ..... گوناهی کێیە هی گەمژەیی خۆتان نەبێ!
ئەوە چ دڵسۆزیەکە بۆ کورد و کوردستان نیشانی دەدەن بۆ ڕاست کۆپی دیار ونادیار و نووسراوەکانی قانعی فەرد دەکەن! بۆ بە شێوازی ئەوان لە دژی حکوومەتی هەرێم کە هەڵبژاردەی خەڵکی باشوورە قسە دەکەن، خۆ خودا نەخواستە ئێوەش لە سپای قودس پارە وەرناگرن! شەرمێک بتانگرێ سەرۆکی هەرێم نەچووە بۆ گەڕان، نەچووە بۆ کازینۆ و قومارخانەکان، وەدوای دەردی ئەو خەڵکە کەوتووە، وەدوای پەیدا کردنی پشتیوانی زیاتر کەوتووە بۆ گەلی کورد کە گۆیا ئێوەش بەشێکی ئەو گەلە پێک دێنن؟! چووە تا بۆ بەگژداچوونی داعشی دەسکردی ئاغاکانتان هاناو هاوارێک بکا و دۆستی زیاتر پەیدا بکا و یارمەتی زیاتر وەرگرێ! بەڕیوەبەرانی لڤین پرێس دەزانن فارس بەو شێوە دلسۆزیە دەڵێن "اشک تمساح" یانی فرمێسکی تیمساح. تیمساح کاتی نێچێرەکەی ڕاو دەکات و خەریکی خواردنێتی چاوەکانی تەڕ دەبن و جۆگەلەی فرمێسک وەڕێ دەخا! ئەو دڵسۆزیەی ئێوەش ڕاست وەک ئەو دڵسۆزیە دەچێ، سەیرە زۆر سەیرە ئەو خەڵکە بۆ بەردەبارانتان ناکات! چۆن لە ڕووتان هەڵدێ بە خۆتان بڵێن رۆژنامە نووس و رۆژنامەی ئەهلی! خودا هەڵناگری ئەهلین بەڵام ئەهلی و دەستەمۆی دوژمنانی کورد و کوردستانن.
ئەو بابەبەتم بە هیچ جۆرێ دیفاع لە بارزانی نیە بەڵام بێویژدانی و بەدرۆ دڵسۆزی نواندن بۆ کوردان و هیچ و پووچی نووسەرانی لڤین ناچاری کردم ئەو چەند دێرە بنووسم. ئێوەش ویژدانتان بکەنە قازی و بزانن ئەوەیە ئەخلاقی رۆژنامەگەری و ئەوەیە دڵسۆزی نواندن بۆ کورد و کوردستان؟
No comments:
Post a Comment